2026 جنوری

’’آگہی‘‘ کا دوسرا شمارہ برادرم ڈاکٹر عبدالرحیم صاحب کی جانب سے موصول ہوا۔ طویل عرصے بعد یہ پہلا رسالہ ہے جسے میں نے مکمل طور پر پڑھا۔ اس شمارے کے تمام مضامین اپنی نوعیت کے اعتبار سے نہ صرف معیاری بلکہ قاری کو سوچنے پر مجبور کرنے والے ہیں۔ موضوعات کا تنوع، اسلوب کی شگفتگی اور تحقیقی انداز اس رسالے کی امتیازی خصوصیات ہیں۔ ہر تحریر اپنے اندر علمی وزن اور فکری گہرائی رکھتی ہے۔ خصوصی طور پر چند مضامین نے گہرا اثر چھوڑا جن میں ’’دینی مدارس کے فارغین عصری اداروں میں کن مضامین کا انتخاب کریں‘‘، ’’بلڈوزر کی

کتب خانۂ بشیریہ، مئو میں مجلہ ’’آگہی‘‘ کا پرتپاک خیرمقدم ! ہم مجلہ اہلِ ’’آگہی‘‘ دل کی گہرائیوں سے ان تمام اہلِ علم، اہلِ قلم اور قدر دانانِ علم و ادب کا شکریہ ادا کرتے ہیں جنہوں نے اس علمی کارواں کا استقبال گرم جوشی سے کیا۔ بالخصوص ہم مجلہ آگہی کے راہبر، اور صاحبِ فکر و نظر شیخ ابن کلیم صاحب کے مشکور ہیں، جن کے دل میں یہ خواب نہ جانے کب سے دھڑک رہا تھا۔ یہ محض ایک خیال نہ تھا، بلکہ ایک عزم، ایک تڑپ، ایک بصیرت تھی جسے انہوں نے لفظوں کی صورت دی، اور

آگہی کا مجھے بڑی بے صبری سے انتظار تھا الحمدللہ انتظار کی گھڑیاں ختم ہو گئی، کھول کر دیکھا تو بڑا ہی عمدہ لگا کاغذ کی کوالٹی واقعی قابل دید ہے۔ میں نے آج تک اس طرح کے رسالے بہت ہی کم دیکھے ہیں ،اس کے بعد اس کے اندر کے موضوعات کا کیا کہنا۔ ابو عکاشہ بھائی کا ’’مدارس کی ڈگریوں کی ہندوستانی یونیورسٹیوںمیں منظوری‘‘ دور حاضر کا بڑا ہی چبھتا ہوا موضوع کا انتخاب کیا ہے مجھے بہت پسند آیا۔مجھے امید ہے کہ آپ لوگ اس موضوع کو برقرار رکھیں گےکیونکہ یہ موضوع بچوں کی دینی و عصری

رسالہ کا نام "آگہی” شعور، بصیرت اور فکری ارتقا کی علامت ہے، جس کا عکس تمام مضامین میں موجود ہے۔ پہلا شمارہ 96 صفحات پر مشتمل ہے اور اس میں اداریہ، مختلف النوع مقالات، تبصرے اور کتابی جائزے کو خاطر نشان رکھا گیا ہے ۔ اداریے میں رسالہ کے اجراء کے اغراض ومقاصد پر مختصر مگر جامع گفتگو کی گئی ہے۔” آگہی یعنی شعور کی تعمیر ،کہ جس کا مقصد اس کے سوا اور کچھ بھی نہیں کہ قوم کو کچھ اچھا پڑھنے کو ملے ،اچھا لکھنے والوں کا ایک گلدستہ تیار ہو جائے جو حالات حاضرہ کو نہ صرف

الحمد للہ! آج مجھے مجلہ "آگہی” کا پہلا شمارہ موصول ہوا۔ اگرچہ اس وقت تفصیلی مطالعہ کا موقع نہیں ملا، مگر جیسے ہی فہرستِ مضامین پر نظر پڑی، دل خوشی سے جھوم اٹھا۔ موضوعات کا انتخاب نہایت فکر انگیز، عصری تقاضوں سے ہم آہنگ اور علمی و فکری پیاس بجھانے والا محسوس ہوا۔”مساجد: سجدہ گاہ سے کمیونٹی سینٹر کا سفر” جیسے مضمون سے اندازہ ہوتا ہے کہ مجلہ دورِ حاضر میں دین کے مختلف پہلوؤں پر جدید زاویوں سے گفتگو کے لیے کوشاں ہے۔”برتھ سرٹیفکیٹ: شہریت کی بنیادی شناخت” جیسے موضوعات نہ صرف فکری ہیں بلکہ عملی زندگی سے جڑے

احمد شاکر رحمۃ اللہ علیہ نے اپنے ایک مقالے میں اپنے استاذ رشید رضا مصری رحمۃ اللہ علیہ کے بارے میں لکھا ہے کہ ان کی فکری پرواز میں بنیادی سبب مجلہ ’’المقتطف‘‘ اور دیگر رسائل تھے جو اس وقت نکلتے تھے۔ یہ بات آگہی کو پڑھتے وقت یاد آئی ۔ آگہی جب معرضِ اشاعت میں آیا تو ہاتھوں ہاتھ لیا گیا ۔ مقبولیت دیکھ کر یک گونہ خوش گوار حیرت ہوئی کہ جب ’’پرنٹ‘‘ کا دور اپنی آخری سانسیں لے رہا ہے ، لوگوں نے آگہی کو لپک کر پکڑ لیا ۔ہمارے پاس مجلہ نہیں تھا کہ ہم نے

عزیر بھائی کے ہاتھوں آگہی کا گراں قدر تحفہ موصول ہوا۔ چوبیس گھنٹے میں پوری شدت کے ساتھ مجلّہ پڑھ گیا ۔ میں بہت کاہل ہوں، پڑھنے کا کوئی ذوق بھی نہیں ہے مگر یہ آگہی کی کشش تھی کہ چھیانوے صفحات کی میگزین بلا رکے تھکے پڑھ ہی گیا ۔ رشید ودود، ہاشم خان، ابوعکاشہ، ڈاکٹر عبدالرحیم، عزیر احمد، مغیرہ اور مولوی نصیر الحق کو پڑھتے ہوئے بار بار یہی لگا کہ ’’جی چاہتاہے نقش قلم چومتے چلیں‘‘ ۔ ان لوگوں کی تحریر میں معلومات، اسلوب اور طرز ادا کچھ اس قدر کافرانہ تھی کہ ’’اسی کو دیکھ کر

کافی عرصہ انتظار کے بعد آگہی کا پہلا شمارہ پہنچا۔ اس مجلہ سے ایک الگ ہی قسم کا جذباتی لگاؤ ہے، اور کافی امیدیں بھی ہیں۔ آگہی امت کے رستے زخموں کی نمائش ہے، یہ نشتر بھی ہے مرہم بھی، یہ قوم کے تڑپتے دلوں کا ترجمان ہے،حقیقت تو یہ ہے کہ کچھ آوارہ مزاجوں نے ایک انجمن سجا لی ہے، انھوں نے خود کو کسی ان کہے عہد سے وابستہ کر لیا ہے۔ اللہ اس انجمن کوعرصہ دراز تک آباد رکھے۔

سہ ماہی میگزین آگہی کے تعلق سے عرض یہ ہے کہ ایک وقار آفریں علمی مجلہ ہے، جو حیاتِ انسانی کے متنوع شعبوں پر فکر انگیز اور بصیرت افروز مضامین کا گنجینہ ہے۔ یہ مجلہ عصری تقاضوں، علمی مباحث کو سنجیدہ انداز میں پیش کرتا ہے۔ امید ہے آئندہ شماروں میں بھی معیار کے ساتھ کمپرومائز نہیں کیا جائے گا۔

سہ ماہی رسالہ آگہی کے تین نسخے موصول ہوئے۔ نظر پڑتے اور ہاتھ میں لیتے ہی رسالے کے "باوزن” ہونے کا احساس ہوا۔ بڑی سائز میں عمدہ کاغذ پر دیدہ زیب طباعت ہے جو ہندوستان کے کسی بھی رسالے کو نصیب نہیں۔ایسی طباعت فارن کنٹریز میں ہوتی ہے۔ مضامین پر تبصرہ پھر کبھی۔

نوجوان ممتاز قلمکار برادرم عزیر احمد نے کل آگہی کا خشت اول دستیاب کرایا۔ برادرم عزیر اور آگہی کی پوری ٹیم کا بہت بہت شکریہ۔ اللہ آپ لوگوں کو سلامت رکھے اور رسالہ کے تئیں جو جنون ہے اسے دوام بخشے۔ ابھی صرف دو مضمون پڑھ سکا۔ مکمل مطالعہ کے بعد تبصرہ ہوگا ان شاء اللہ۔ کامیابی کے لئے جنون اور لگن ناگزیر ہے۔ اور یہ چیز آگہی کی عمارت کے ہر ستون میں بدرجہ اتم موجود ہے۔ بنا بریں قوی امید ہے کہ ان شاء اللہ رسالہ اپنی پوری آب وتاب کے ساتھ جاری رہے گا اور تاریخ رقم

رسالہ آگہی ممبئی موصول ہوا، جامعہ اسلامیہ فیض عام مئو کے سینئر اساتذہ کے درمیان اس کی غیر معمولی پذیرائی ہوئی، بیشتر اساتذہ نے ملاحظہ کیا، مشمولات پر اپنی خوشی اور نیک تمناؤں کا اظہار کیا۔ مقالات سبھی انتہائی قیمتی ہیں، لیکن قابل ذکر ہے کہ برادر عزیز وفاضل عزیر احمد (سلفی = جواہر لعل نہرو دہلی) کے دو مضامین اس رسالہ کی زینت ہیں، جن کا ذکر اساتذہ نے خاص طور پر کیا اور ستائشی کلمات کہے، اللہ نوجوان اہل قلم کو تازہ وتوانا رکھے اور امت کے حق میں مفید بنائے۔

عزیر صاحب واقعی مجلے کے لیے لکھنا ایک مشکل کام ہے۔ آگہی کا پرانا شمارہ ابھی میرے ٹیبل پر ہے۔ یوں تو میرے پاس کئی رسالے آتے ہیں لیکن غالبا یہ پہلا رسالہ ہے جس کو میں نے مکمل پڑھا ہے۔ سبھی قلمکاروں نے خانہ پری کرنے کے بجائے دل سے لکھا ہے۔ میں جب بھی موقع پاؤں گا آگہی کے لیے ضرور لکھوں گا

آگہی کی آمد کی بشارت سوشل میڈیا سے مل گئی تھی اور مجلس ادارت میں شامل ارباب علم و دانش کے علمی پس منظر سے آگہی کے مستقبل کا اندازہ لگایا جاسکتا ہے۔ مجلس ادارت کے تمام نام میرے لیے واجب الاحترام ہیں کیوں کہ میں ان میں سے اکثر کی تخلیقات اور انتاجات سے استفادہ کرتا رہتا ہوں ۔ مجھے امید ہے کہ آپ لوگوں کی کوشش سے آگہی کے نام سے معاصر علمی افق پر جوستارہ نمودار ہوا ہے وہ ذہن و فکرکے دریچوں کو تابناک کرے گا ان شاء اللہ ۔ آپ نے مضمون لکھنے کا حکم